Өчигдөрхөн ногоон түвшинд шилжээд байсан Дорнод аймагт өнөөдөр ковидын сэжигтэй тохиолдол илэрсэнтэй холбогдуулан Хэрлэн, Матад сумдыг шар түвшинд шилжүүллээ. Хэрлэн суманд PCR-ийн шинжилгээгээр 2 тохиолдол эерэг гарсан бол Матад сумын иргэн М Сүхбаатар аймгийн Эрдэнэцагаан сум руу хулгайгаар зорчсон бөгөөд тэрээр Сүхбаатар аймагт батлагдсан тохиолдлын ойрын хавьтал байсан нь тогтоогджээ. Тиймээс тухайн иргэн М-ийг албадан тусгаарлах арга хэмжээ авсан бөгөөд шинжилгээ авна хэмээн АОК-оос мэдэгдлээ.