Дорнод: 160,000 төгрөгийн багцад дараах зүйлс багтана

2021/09/24
Дорнод: 160,000 төгрөгийн багцад дараах зүйлс багтана
Коронавирусын халдварт өртсөн иргэдийг гэрээр эмчлэх 160 мянган төгрөгийн багцыг Эрүүл мэндийн сайд, Сангийн сайдын хамтарсан тушаалаар баталж сум, өрхийн эрүүл мэндийн төвүүдэд гүйцэтгэлээр олгох ажил явагдаж байна. Гэвч 160,000 төгрөгийн багц эмчилгээний задаргаа тодорхой бус байдал нь иргэд, эрүүл мэндийн байгууллагуудын хооронд үл ойлголцол үүсгэхэд хүрсэн юм. Иймээс иргэдэд хүртээмжтэй ойлгомжтой болгох зорилгоор 160,000 төгрөгийн жишиг задаргааг баталсан байна. 
 

160,000 төгрөгийн – 76,000 эмийн багц Үүнд,   Дархлаа дэмжих ВИТ С, Д 10 хоног

                                                                               Өвчин намдаах халуун бууруулах эм

                                                                               Халдвар харшлын гаралтай эм

                                                                               Уламжлалт эм мана 4 норов 7 лянхуая

                                                                               Вирүсийн эсрэг үйлчилгээтэй эмүүд багтаж байна 

2-рт: Түргэвчилсэн оношлуурын шинжилгээний үнэ 15,000

3-рт: Хамгаалах хувцас хэрэгсэл бусад халдваргүйтгэлийн бодис 22,000

4-рт: Эмчийн болон тухайн багийн ажилласан цалин урамшуулал 32,000

5-рт: Үзлэгийн хөлс 10,000 

6-рт: Бусад буюу шатахуун холбооны зардал 5,000 төгрөг 

Халдвар авсан гэрээр эмчлэгдэх иргэд хүнд хөнгөн зэрэг биеийн байдлаасаа шалтгаалж 160,000 хүртэлх багцын эмчилгээг хийлгэх юм байна. Тиймээс зарим иргэд 76,000 төгрөгийн эмийн багц авна, заримд нь 50,000 төгрөгийн эмийн багц ч олгогдоно гэдгийг онцлон хэллээ. 

Мөн Ковид-19 цар тахлын халдварт өртөн гэрээр эмчлүүлж буй иргэдэд буюу эхний ээлжид 5000 хүн тун антибиотикийг худалдан авахад аймгийн Засаг даргын нөөц хөрөнгөөс нэмэлтээр 100.0 сая төгрөгийг шийдвэрлээд байна. Сум, өрхийн эрүүл мэндийн төв тухайн өвчтөнийг үнэлээд шаардлагатай хүнд антибиотик нэмэлтээр олгох юм байна. 
 

Дорнод аймгийн Хэрлэн суманд 993 иргэн гэрээр эмчлүүлж байгаа бол үлдсэн 700 гаруй иргэд хөдөөгийн 13 суманд гэртээ эмчлүүлж байна. 

 

 

 

Дорнод: 160,000 төгрөгийн багцад дараах зүйлс багтана   
Jaran.MN Facebook  

Сэтгэгдэл бичих:

Нэмэх