Газрын тосны тээвэрлэлтийн үйл ажиллагааг УОК-ын шийдвэрээр нээж өдөрт 24 машин тос тээвэрлэн БНХАУ руу гаргаж байгаа. Өнөөдөр өглөө нэг жолооч тос тээвэрлэж хил гараад буцаж орж ирэхдээ халуурчээ. Түүнийг Баянхошуу боомт дээр тусгаарлаад байгаа бөгөөд Дорнод аймгийн төвд авчрахаар онцгой комиссын бүрэлдэхүүн явсан байна. Тухайн жолоочоос коронавирүсийн шинжилгээ авах бөгөөд 72 цагийн дараа хариу нь гарах юм байна.