Дорнод аймгийн Хэрлэн сумын 1 дүгээр баг “Бунхан толгой” орчимд Хэрлэн сумын 4 дүгээр багт оршин суугч иргэн Б.Гөлөгөө /27 настай, эрэгтэй/, Хэрлэн сумын 10 дугаар багт оршин суугч Г.Пунцагдорж /28 настай, эрэгтэй/ нар нь усанд осолдсон тухай дуудлага 2020.08.09-ний өдрийн 07:03 цагт Бүсийн төв Дорнод аймгийн Онцгой байдлын газарт иржээ. Дуудлагын дагуу Онцгой байдлын газрын Эрэн хайх, аврах ангийн 8 алба хаагч, 1 автомашин, 2 завьтай эрлийг зохион байгуулж 8-р сарны 10-ны өдрийн 08:25 цагт Г.Пунцагдоржийн /28 настай, эрэгтэй/ цогцсыг анх осолдсон газраас зүүн зүгт 300 метрийн зайд “Бунхан толгой” орчмоос олсон бол 8-р сарын 12-ны өдрийн 13:47 цагт Б.Гөлөгөөгийн /27 настай, эрэгтэй/ цогцсыг анх осолдсон газраас зүүн зүгт 10 км-ийн зайд Хэрлэн сумын 5 дугаар багийн нутаг дэвсгэрт байрлах “Хадан хясаа” орчоом голын мандал дээр доошоо харсан байдалтай хөвж байсныг олсон байна.

Мөн Хэрлэн сумын 6 дугаар баг “Найрамдал” цэцэрлэгт хүрээлэнгийн зүүн талд хөл алдаж усанд осолдсон  Г.Батсайханы /30 настай, эрэгтэй/ цогцсыг анх осолдсон газраас зүүн зүгт 50 км-т Бянтүмэн сумын Жаргалант багийн “Хутаг уул” орчим голын хойд талын эрэгт усны мандал дээр доошоо харсан байдалтай хөвж байсныг тус тус олж, цагдаагийн газарт хүлээлгэн өгчээ.