Аймгийн онцгой комиссын 67-р хуралдаанаар Дорноговь, Дархан-Уул аймгуудаас Дорнод аймгийн харьяат оюутнуудаа татаж авах асуудлыг хэлэлцэн шийдвэрлэжээ. Өнөөдрийн байдлаар Дорноговь аймагт Дорнодын харьяат 110 оюутан байгаа ба эхний ээлжид шинжилгээнд хамрагдсан 67 оюутныг  аймгаас 2 автобус гарган авчрахаар болсон байна. Мөн Дархан-Уул аймагт байгаа 10 оюутныг, Улаанбаатар хотоос Хөгжим бүжгийн коллежийн сурагч хүүхдүүдийг мөн татаж авахаар болсон байна.