Дорнод аймгийн хэмжээнд гамшиг, осол, гал түймэр болон бусад төрлийн нийт 7 удаагийн дуудлагын дагуу Бүсийн төв-Дорнод аймгийн Онцгой байдлын газар шуурхай ажиллажээ. Гамшгийн төрлөөр нь авч үзвэл: 

• Объектын гал түймрийн дуудлага – 2
• Объектын гал түймрийн мэдээлэл-1
• Объектын гал түймрийн зөрчлийн дуудлага – 3,

Үүнд: 1. Объектын гал түймрийн дуудлага: Баян-Уул сумын Улз багийн “Залуус” гудамжны 308 тоотод 5х6 хэмжээтэй 2 давхар дүнзэн байшин бүрэн шатаж байсныг 2 цаг 35 минут ажиллаж, 06:45 цагт бүрэн унтраасан. Уг гал түймэрт өртсөн хүн байхгүй.

2. Объектын гал түймрийн дуудлага: Хэрлэн сумын 1 дүгээр багийн “Бунхан” хорооллын Хангамжийн хашаанд 16 тонн өвс бүрэн шатаж байсныг 4 цаг 37 минут ажиллаж, 19:43 цагт бүрэн унтрааж, иргэн С.Итгэлд хүлээлгэн өгсөн. Уг гал түймэрт өртсөн хүн байхгүй.
3. Обьектын гал түймрийн дуудлагын мэдээлэл: Баянтүмэн сумын 2 дугаар баг “Зүүн гол” гэдэг газар /аймгаас зүүн зүгт 90 гаруй км-т/ мал аж ахуйн кемп шатаж байна гэсэн мэдээг аймгийн цагдаагийн газарт ирж, 05:50 цагт Хилийн 0132 дугаар ангийн жижүүртэй холбогдож мэдээллийг тодруулахад 3-р заставаас 2 алба хаагч, 1 автомашинтай очсон. Уг гал түймэрт амбаар шатсан.
4. Объектын гал түймрийн зөрчлийн дуудлага: - Хэрлэн сумын 1, 4, 10 дугаар багуудад  пин шатаж байна, пийшингээс их хэмжээний утаа, байшингаас битүү утаа гарсан байна гэсэн 3 удаагийн зөрчлийн дуудлагаар тус тус ажилласан.

2021 оны 03 дугаар сарын 14-нөөс 15-нд шилжих шөнө бүх нутгаар, өдөртөө нутгийн зүүн хэсгээр цас орж, салхи баруун хойноос 18-20м/с, зарим үед 24м/с хүрч ширүүсч, хүчтэй цасан болон шороон шуурга шуурна.

Дорнод аймгийн нутгаар: 14-нөөс 15-нд шилжих шөнө бүх нутгаар, өдөртөө нутгийн зүүн хэсгээр, 19-нд бүх нутгаар хур тунадас, нойтон цас орно. салхи их төлөв баруун хойноос 4-9м/с, 15-нд шөнөдөө бүх нутгаар, өдөртөө нутгийн зүүн хэсгээр 18-20м/с, зарим үед 24м/с, 19-нд 8-13м/с хүрч ширүүсч цасан болон шороон шуурга шуурна. шөнөдөө 18-нд 5-10 градус, бусад хугацаанд 10-15 градус, өдөртөө 15-нд 0-5 градус хүйтэн, бусад хугацаанд 0-5 градус дулаан байна.

Чойбалсан хот орчмоор: 14-нөөс 15-нд шилжих шөнө, 19-нд хур тунадас, нойтон цас орно. салхи их төлөв баруун хойноос 3-8м/с, 15-нд 12-17м/с, 19-нд 8-13м/с хүрч ширүүсч цасан болон шороон шуурга шуурна. шөнөдөө 18-нд 5-7 градус, бусад хугацаанд 10-15 градус хүйтэн, өдөртөө бүх хугацаанд 0-5 градус дулаан байна.