Дорнод аймагт өнөөдрийн байдлаар коронавирүсийн 404 тохиолдол бүртгэгдээд байгаа бөгөөд сүүлийн өдрүүдэд тасралтгүй өсч байна. Одоогоор 283 иргэн эмнэлэгт хэвтэн эмчлүүлж байгаагийн 2 нь нэн хүнд, 2 нь хүнд, бусад нь хөнгөн хүндэвтэр байдалтай байгаа тухай Онцгой комиссоос мэдээлсэн. Тэгвэл өнөөдөр орой 7 хоногийн өмнө батлагдаж эмчилгээ хийлгэж байсан жирэмсэн эмэгтэй амь насаа алдлаа. Вакцин хийлгээгүй иргэд хүндрэх тохиолдол өндөр байгааг эрүүл мэндийн байгууллагаас анхааруулж байна.