ММСУХ-ны 25 жилийн ойд зориулсан хурдан морины уралдааны зохион байгуулах саналыг ММСУХ-ноос УОК, ЗГ-т тавьсан. Улмаар УОК-оос  Ховд Сэлэнгэ Дорнод аймгуудад зохион байгуулах чиглэл өгснөөр ийнхүү 8-р сарын 6,7,8-ны өдрүүдэд Хөлөнбуйр суманд зохион байгуулахаар болсон байна.

Хурдан морины уралдаанд 6 насны болон эрлийз 3 насны морьдын уралдаан болох бөгөөд уралдаанд бүрэн тундаа хамрагдсан иргэдийг оролцуулах бөгөөд бүх хүнээс түргэвчилсэн шинжилгээ авахаар шийдвэрлэжээ.

Уралдаанд оролцсон иргэд буцаж ирээд 7 хоног гэртээ тусгаарлагдах юм байна. Харин уралдаанч хүүхдүүдийн тухайд вакцины 2 тунд бүрэн хамрагдсан байх шаардлагыг тавих юм байна. 

Хурдан морийг 7-оос дээш насны хүүхэд унаж уралдахыг зөвшөөрдөг. Гэтэл 12-оос дээш насны хүүхдүүд вакцинд хамрагдаж байгаа. Ингэхээр заавал 12-оос дээш насны хүүхдээр морь унаж уралдуулах уу эсвэл вакцин хийлгээгүй ч 7-оос дээш насны хүүхдээр морь унуулах уу гэдэг асуудал одоогоор шийдэлд хүрээгүй байна.

Бусад аймаг сумаас ирж байгаа уяач нарыг хариу арга хэмжээний багтайгаа ирэхийг зөвлөж байна.