Энэ сарын 14-нөөс ЕБС-ийн сургууль танхимаар хичээллэж эхэлсэн. Коронавирүст халдварт цар ттахлын 3-р давалгаа эхэлсэн энэ цаг үе таарч байгаа учраас сургууль, цэцэрлэгүүд дараах дүрэм журамыг үйл ажиллагаандаа мөрдөж ажиллахыг үүрэг болгосон байна.

Сургуулийн өмнөх боловсролын хүрээнд:

-       Цэцэрлэгийн танхимын сургалтад хамрагдах хүүхдийн нэмэлт элсэлт, бүртгэл хийхгүй байх;

-       0-5 насны хүүхэдтэй эцэг эх гэрээсээ, цахимаар ажиллах нөхцөл боломжийг бүрдүүлэх;

-       Цэцэрлэгт халдварголомтлонтархсан болон өргөн тархсан үед 5 хоног тусгаарлах заримыг барьж нэг бүлэгт 25-аас ихгүй хүүхэдтэй сургалт үйл ажиллагааг явуулах;

-       Хариу арга хэмжээний баг халдвараас сэргийлэх бэлэн байдлыг хангах, орчны эрүүл ахуй, аюулгүй байдлыг ханган ажиллах;

-       Бүлгийн хүүхдээс халдвар илэрсэн тохиолдолд 5 хоног гэртээ тусгаарлагдах /шаардлагатай үед хугацааг нэмэгдүүлэх/. Харин бүлгийн бусад хүүдхэд гэртээ 3 хоног тусгаарлагдана. Хэрэв шинж тэмдэг илээргүй бол 5 дахь өдөр нь цэцэрлэгтээ ирж болно;

Ерөнхий боловсролын сургуулийн хүрээнд:

-       Сурагчдын хичээл, сурлагын хоцрогдлыг 2021-2022 онуудад “Бага, дунд боловсрол нөхөн олгох сургалтын хөтөлбөр”-өөр нөхнө;

-       Малчин өрхийн болон дотуур байранд амьдардаг хүүхдийг 2 дугаар сарын 21 өдрөөс эхлэн 7 хоногоос танхимд хичээллэхээр анги, бүлэг зохион байгуулах;

-       Сургуулийн орчинд зай барих боломж нөхцөлийг бүрдүүлсэн эсэхийг үнэлэх, хичээлийн завсарлага, үдийн цайны үеэр зай барих боломжийг бүрдүүлэх;

-       Анги танхимд агаар шүүгч байрлуулах, хичээлийн цагаар тогтмол агааржуулах, боломгүй үед механик агааржуулалт, байгалийн агаар сэлгэлтийг тогтмол хийх;

-       Сургуулийн орчинд хүн бүр амны хаалт хүүхдийн хоол цай идэх үед маскаа авахдаа хоорондоо ярихгүй байх талаар сурагч, багш, ажилтанд зааварчилгаа өгөх , санамж анхааруулга байрлуулах;