Монголын Оюутны спортын V наадам 3-р сарын 28-ны өдрөөс эхлэн нийт 10 спортын төрлөөр зохион байгуулагдаж байгаа. 4-р сарын 5-6-нд таеквондогийн төрөлд Дорнод аймгаас төрөн гарсан  ОУХМ /Олон Улсын Хэмжээний Мастер/  Төмөрбаатарын ГАНБОЛОР -49кг жинд оролцож Алтан медаль хүртлээ. Мөн тус наадмын “Шилдэг эмэгтэй тамирчин”-аар шалгарсан байна. 

Т.Ганболор 2018 онд Хэрлэн сумын 2-р сургуулийг төгссөн бөгөөд Их Засаг Олон Улсын Их Сургуулийн Эрх зүйн ангийн 3 дугаар курст суралцаж байна. Суралцахын хажуугаар "Formula" таеквондо клубд багш дасгалжуулагчаар ажилладаг.

Т.Ганболорын томоохон амжилтуудаас дурдвал:

-       Оюутны Дэлхийн аваргын мөнгө

-       Улсын аваргын 3 алт, 4 мөнгө, 2 хүрэл

-       Монголын Оюутны спортын V наадмын алт

-       Хүүхдийн спортын V Их наадмын Алтан медаль

"Дайчин Шонхор" клубын тамирчин Т.Ганболор ирэх 6-р сард болох "Бүх ард түмний спертикад"-д оролцохоор бэлтгэлээ хангаж эхлээд байгаа юм.