Санамж бичигт Дорнод аймгийн Засаг даргын тамгын газрын дарга П.Бат-Өлзий, Дорнод аймаг дахь Политехник коллежийн захирал Л.Хишигтогтох, БНХАУ-ын Жилин Мужийн Хөдөө аж ахуйн академийн Мал аж ахуй, Мал эмнэлгийн салбар хүрээлэнгийн дэд захирал Ли Хинтао, ӨМӨЗО-ны Хянган аймгийн Ажил мэргэжлийн дээд сургуулийн захирал Фан Юунг Юи , ОХУ Өвөр байгалийн хязгаар дахь хөдөө аж ахуйн дээд сургуулийн захирал Евгиний Сергеевич Егоров, “Эп ар ди ай” ХХК-ны Удирдах зөвлөлийн дарга Д.Энхжаргал нар гарын үсэг зурлаа.

Мал аж ахуйг шинжлэх ухаанд суурилан хөгжүүлэх, малын удмын сан, мал, малын гаралтай бүтээгдэхүүний эрүүл ахуй, чанарыг сайжруулах, малчдын хөдөлмөр зохион байгуулалт, ажлын чанарт шинэчлэл хийх, ур чадвартай үндэсний мэргэжилтнүүдийг сургаж бэлтгэх, технологи инноваци дамжуулах Төр, хувийн хэвшлийн хамтарсан “Монгол хонь судалгаа инновацийн төв” Дорнод аймагт байгуулагдах юм.