Малчид, тээвэрчид, ард иргэдийн анхааралд: Энэ сарын 20-нд зарим нутгаар нойтон цас, цас орж, цасан шуурга шуурч, халтиргаа гулгаа үүсэж болзошгүйг анхааруулж байна.

Дорнод аймгийн нутгаар: 13-наас 14-нд шилжих шөнө ихэнх нутгаар,16-нд ихэнх нутгаар, 20-ноос 21-нд шилжих шөнө зарим нутгаар хур тунадас орно. Салхи баруун хойноос секундэд 8-13 метр, зарим үед түр зуур секундэд 15-17 метр хүрч ширүүснэ. Бусад хугацаанд салхи их төлөв баруунаас секундэд 4-9 метр. Нийт нутгаар хүйтэрч шөнөдөө хугацааны эхээр -8...-13 градус, бусад хугацаанд -6...-11 градус хүйтэн, өдөртөө хугацааны эхээр +3...+8 градус, бусад хугацаанд 0...+5 градус дулаан байна.